صبر يا قلبي و زد في الصبر

صبر يا قلبي و زد في الصبر
الحب و الليام علينا مقدر
و الحبيب منين يغدر
ما ليك معاه غير الصبر
*********
قالو لجواد زمان
لي يبغيك بزاف بغيه شوية
و لي يبغيك شوية؛
ما تبغيه لا بزاف ولا شوية
قلبي خداتو اللي غدرت بيَّ
نسيت لجواد، تبليت و قتلتني البلية
... البلية
كلها باش بلاتو الدنية
شي بالآخرة و شي غير بالدنية
وشي غير ينقز من دريبه لدريبة
... حتى يحصل
وحيت يحصل، يمسحها فْ البليه
************
صبر يا قلبي و زد في الصبر
الحبيب لِّي بغيتو عطاني بالظهر
نسى الليالي و العشرة و نكر
والحبيب حبيب
و ماليك معاه غير الصبر

من قلم اسلام

المصدر: [You must be registered and logged in to see this link.] الكاتب:♥ كاتم الاحزان ♥